陈安莹与初恋男友拍拖42年默许「包二奶」：有人煲汤比渠都唔错

    陈安莹日前亮相香港开电视《开工大吉77》接受好友苑琼丹访问，安莹笑指苑仔是「大家姐」，因曾在剧集中饰演两姊妹：「戏行好多前辈都系好锡我，好似邓碧云慨妈妈系我妈咪慨契娘，所以我叫佢做姨妈，而关德兴师傅就系我契爷。我小朋友?阵，梁醒波、何非凡、李宝莹呢啲前辈睇我唱戏，呢啲系好珍贵慨回忆，但我都冇咩同人讲过。」安莹就话冇靠人脉，自己考训练班入行：「当年中五毕业屋企冇嘢做，电视刚播出招聘广告，阿妈一句质埋嚟『又话去？』，我就同渠斗气『去咪去！』，咁就入咗行。我记得第一日上堂，我同考官讲『我冇可能觉得自己唔得啰！』」

    除了幕前演出，陈安莹涉猎多个部门工作：「当年我个样唔识大，所以去做儿童节目，咁有时唔洗拍嘢，我就去公关部做兼职，帮手回信比观众。之后我去咗配音组，我仲帮过苑琼丹配音，嗰次印像好深刻，因为把声真系沙晒。」多年来饰演配角，未尝主角滋味，安莹亦安于现状，为作品打拼：「因为一个金字塔得一个塔针，要下面啲底层推渠上去，我都有功劳，演员冇分主角定配角，都要演好场戏。」

    「烂做」的陈安莹笑言不是富婆，安于做演员岗位：「虽然我有试过爆骚慨，但我又唔系做主角，我又冇争过要做主角，专心投入工作。亚妈话过三十岁之前唔好结婚，呢句嘢入晒脑，依家男友系圈外人，咩名就唔好讲啦！我地系初恋，由18岁拍拖到依家，大家都冇晒结婚慨欲望。依家渠长居内地，有朋友问我怕唔怕渠包二奶，我都谂咗一谂，自己照顾唔到渠，有人煲汤比渠都唔错啊？」